Сәуір 27, 2022
БІЛІМ САЛАСЫНДАҒЫ БАҚЫЛАУ - БАСТЫ НАЗАРДА
27 сәуірде Департамент басшысы Гүлназ Сулейменова «Елге қызмет» бағдарламасына қатысып, Департамент тарапынан көрсетілетін мемлекеттік қызметтер - «Білім беру қызметімен айналысуға лицензия беру» және «Білім беру ұйымдарынан шығатын ресми құжаттарды апостильдеу» туралы сұхбат берді.Айта кетейік, Департамент «Е-лицензиялау» электронды порталы арқылы «Білім беру қызметімен айналысуға лицензия беру»  мемлекеттік қызметін заңды тұлғаларға толықтай электронды түрде көрсетеді.«Білім беру қызметімен айналысуға лицензия беру» мемлекеттік қызметі бойынша тіркелген өтініштерді қарау барысында Қазақстан Республикасының Білім және ғылым министрінің 2015 жылғы 17 маусымдағы «Білім беру қызметіне қойылатын біліктілік талаптарын және оларға сәйкестікті растайтын құжаттардың тізбесін бекіту туралы» №391 бұйрығы басшылыққа алынады.Сонымен қатар, Департамент 2017 жылғы 19 маусымнан бастап «Білім беру ұйымдарынан шығатын ресми құжаттарды апостильдеу» мемлекеттік қызметін жеке тұлғаларға «Азаматтарға арналған үкімет» мемлекеттік корпорациясы» КЕАҚ Атырау облысы бойынша филиалы «Халыққа қызмет көрсету орталығы» департаменті және Электрондық үкімет порталы (ПЭП) арқылы жүзеге асырады.«Білім беру ұйымдарынан шығатын ресми құжаттарды апостильдеу» мемлекеттік қызметі бойынша өтініштерді қарау барысында «Білім беру ұйымдарынан шығатын ресми құжаттарды апостильдеу» мемлекеттік көрсетілетін қызмет стандарты басшылыққа алынады.
 
Сәуір 12, 2022

Бүгін Қазақстанда Ғылым қызметкерлері күні.Ғалымдарды кәсіби мерекемен құттықтап, күнделікті еңбектері мен зерттеу салаларын кеңейтіп жатқандары үшін алғысымды білдіргім келеді.Ғалымдарымыздың зерттеулері, жаңалықтары мен жаңа ғылыми білімдері еліміздің дамуына ерекше үлес қосып жатқаны сөзсіз.Бүгінгі таңда ғалымдарымыздың ғылыми жетістіктері тек Қазақстанда ғана емес, сонымен бірге шетелде де мойындалып жатыр.Президенттің ғылым саласына ерекше көңіл бөліп, қолдау көрсетуінің арқасында соңғы жылдары отандық ғылымды дамытудағы көптеген өзекті мәселе шешімін тауып, ғалымдарымызға қажетті жағдай жасауға мүмкіндік туды.Министрлік ғалым мамандығының беделді болуы, ғылыми идеялардың тұрақтылығы мен іске асырылуына кепілдік беруі үшін жүйелі жұмысты жалғастырады.Ғылым қызметкерлері күні құтты болсын!

ҚР Білім және ғылым министрі А. Аймағамбетов

Сәуір 12, 2022
Бүгін ҚР Білім және ғылым министрі А. Аймағамбетов Мемлекет Басшысының қабылдауында болып, оған Жолдауда берілген тапсырмаларының орындалу барысы, министрліктің білім және ғылым жүйесін жақсартуға бағытталған бастамалары жөнінде баяндады.Президентке балалар құқықтарының бұзылу фактілерін азайту үшін жекеменшік балабақшалардың жауапкершілігін арттыруға және мектеп бағдарламалары мен оқулықтарды әзірлеудің жаңа тәсілдеріне қатысты ұсыныстар берілді.Асхат Аймағамбетовтің айтуынша, Мемлекет басшысының Жолдауда берген тапсырмалары аясында «Ғылым туралы» Заңға өзгертулер енгізілген. Енді тарих, қазақ тілі, философия, археология, математика, шығыстану және басқа да салалар бойынша ғылыми зерттеу жұмыстарымен айналысып жүрген 4 мыңнан астам ғалым тұрақты еңбекақы алады. Ғылыми жобаларды қаржыландыру мерзімі бұрынғы 3 жылдан 5 жылға дейін созылды. Жас ғалымдарды қолдау үшін постдокторантураға мың грант бөлінді. Арнайы конкурстар басталды. Соның аясында 2 мыңнан астам жас ғалым 17 миллиард теңгенің грантын алды. Қасым-Жомарт Тоқаевтың тапсырмасы бойынша ғалымдардың әлеуетін арттыру шаралары қабылданды. Жыл сайын 500 отандық маман республикалық бюджет есебінен әлемнің жетекші ғылыми орталықтарында тағылымдамадан өтеді.Министрдің есебін тыңдаған Президент мектептегі білім беру сапасы мен мұғалімдердің мәртебесін арттыру жөніндегі мақсатты жұмыстарды күшейтуді тапсырды. Сонымен қатар, Мемлекет басшысы жоғары оқу орындарына лицензия беру тәртібін жетілдіру және іргелі зерттеу жұмыстарын жүргізетін институттарды қолдау қажет деп санайды.
Ақпан 9, 2022

КОНКУРС ӨТКІЗУ ҚАҒИДАЛАРЫНА ЕНГІЗІЛГЕН ӨЗГЕРІСТЕР ТҮСІНДІРІЛДІ

        

Ағымдағы жылғы 8 ақпанда ҚР Мемлекеттік қызмет істері агенттігінің Атырау облысы бойынша департаментінің ұйымдастыруымен ZOOM бейнебайланыс арқылы өткен онлайн семинарға қатыстым.

Семинар барысында 2021 жылдың қорытындысы бойынша мемлекеттік бос орындар саны мен өткізілген конкурстарға жүргізілген талдау қорытындысы талқыланды.

Сонымен қатар, шарада конкурстар өткізу Қағидаларына енгізілген өзгерістер туралы ақпараттық - түсіндіру жұмыстары жүргізілді.

Ақпан 9, 2022

МЕМЛЕКЕТТІК БІЛІМ БЕРУ ҰЙЫМДАРЫНЫҢ БАСШЫЛАРЫН РОТАЦИЯЛАУ

Білім беру ұйымы басшыларының кәсіби әлеуеті мен басқарушылық тәжірибесін тиімді пайдалану үшін биылдан бастап директорларды ротациялау рәсімі жүзеге асырылатын болады.

                       

Қазақстан Республикасы Әділет министрлігінде тіркелген мемлекеттік білім беру ұйымдарының бірінші басшыларын ротациялау Қағидаларының негізгі басымдықтары:

-Біріншіден, бір білім беру ұйымында 4 немесе 7 жылдан астам жұмыс істеген басшылар ротацияланады.
-Екіншіден, ротациялаудың төмендегідей шарттары бар:
-ротациялауды облыстардың және республикалық маңызы бар қалалардың білім басқармалары жүзеге асырады;
-ротация бір елді-мекен аумағында жүргізіледі;
-ротациялауды бір деңгейдегі ұйым басшылары арасында жүргізеді;
-ротациялау кезінде бірінші басшылардың біліктілік санаты, яғни аталған санат үшін төленетін қосымша ақы да мерзімі аяқталғанға дейін сақталады.

Ашықтық пен объективтілікті қамтамасыз ету мақсатында ротациялау туралы мәселені қарау үшін комиссия жұмыс жасайтын болады.

Министрлік тарапынан ротациялау жүйесінің тиімді жұмыс жасауына мониторинг жүргізілетін болады.

Ақпан 8, 2022

«Б» КОРПУСЫНЫҢ МЕМЛЕКЕТТІК ӘКІМШІЛІК ЛАУАЗЫМДАРЫНА ҚОЙЫЛАТЫН ҮЛГІЛІК БІЛІКТІЛІК ТАЛАПТАРЫНА БІРҚАТАР ӨЗГЕРІСТЕР ЕНГІЗІЛДІ
                                           
Енді талаптар мыналарды қамтиды:

-білім деңгейі бойынша;
-нақты мемлекеттік лауазымда кәсіби қызметті тиімді орындау үшін қажетті құзыреттер бойынша;
-жұмыс тәжірибесі бойынша.

Басшылық лауазым дегеніміз - оған бағынышты бөлімшенің, ұжымның немесе жеке қызметкерлердің қызметін ұйымдастыруға өкілеттік берілген ұйымның құрылымдық штат бірлігі.

Мемлекеттік органның ведомстволық біліктілік талаптарында мыналар белгіленуі мүмкін:
-Мемлекеттік орган мен оның құрылымдық бөлімшелері қызметінің негізгі бағыттары, сондай-ақ мемлекеттік әкімшілік қызметшілердің лауазымдық өкілеттіктерін ескере отырып, үлгілік біліктілік талаптарында көзделмеген құзыреттер бойынша талаптар;
-А-1 және В-1 санаттарының мемлекеттік әкімшілік лауазымдарына С-О, С-R, D, D-O, D-R, E, E-R және E-G санаттарының лауазымдарында жұмыс тәжірибесінің міндетті болуы жөніндегі талап.

мемлекеттік лауазымдардағы жұмыс өтілі деп:

-мемлекеттік саяси лауазымдардағы жұмыс өтілі;
-мемлекеттік әкімшілік лауазымдардағы жұмыс өтілі;
-құқық қорғау немесе арнайы мемлекеттік органдардың лауазымдарындағы қызмет өтілі;
-әскери қызмет өтілі.

Сондай-ақ, тиісті санаттағы нақты лауазымның функционалдық бағыттарына сәйкес салалардағы жұмыс өтілі деп мемлекеттік лауазымдарға жұмыс өтілін қоспағанда, мемлекеттік және мемлекеттік емес ұйымдардағы жұмыс өтілі түсініледі.

Ақпан 7, 2022

ЖАРАТЫЛЫСТАНУ - МАТЕМАТИКА БАҒЫТЫНДАҒЫ ПӘНДЕРДІҢ АҒЫЛШЫН ТІЛІНДЕ ОҚЫТУ ДЕҢГЕЙІНЕ МОНИТОРИНГ ЖҰМЫСТАРЫ ӘРІ ҚАРАЙ ЖАЛҒАСЫН ТАПТЫ

Ағымдағы жылғы 20 қаңтарда мониторингтік топ мүшелері жаратылыстану - математикалық бағытында сабақ беретін 26 мұғалімнің сабағына қатысып, талдау жасады.
 

Естеріңізге сала кетейін:
-Мониторингтік топтың құрамына Департаменттің қызметкерлері, облыстық білім басқармасының мамандары, өңірлік Х. Досмұхамедов атындағы Атырау университетінің оқытушылары, әдістемелік кабинеттердің әдіскерлері, облыстық мамандандырылған мектептердің мұғалімдері мен «Білім инновация» қорының өкілдері енгізілген болатын.
-Бұл - тексеру жұмыстары емес, тек қана мұғалімнің сабақ барысында ағылшын тілін толық немесе ішінара енгізуін бақылау мақсатында жүргізілетін мониторинг.

Ақпан 7, 2022

                       МЕКТЕПКЕ ДЕЙІНГІ ҰЙЫМДАРДЫ МЕМЛЕКЕТТІК АТТЕСТАТТАУ ЖҰМЫСТАРЫ ЖҮРГІЗІЛДІ

                      

Департаменттің жұмыс жоспарына сәйкес ағымдағы жылғы 17 - 19 қаңтар аралығында облыстың 3 мектепке дейінгі ұйымында мемлекеттік аттестаттау шаралары өткізілді.

Аттестаттау шаралары жүргізілген білім беру ұйымдары:
1. Индер ауданындағы «Болашақ» бөбекжай-бақшасы» коммуналдық мемлекеттік қазыналық кәсіпорны;
2. Махамбет ауданындағы «Айгүл» бөбекжай-балабақшасы» коммуналдық мемлекеттік қазыналық кәсіпорны;
3. Мақат ауданындағы «Әсел» жеке бөбекжай-бақшасы «Амина» жауапкершілігі шектеулі серіктестігі.

Мемлекеттік аттестаттау шаралары барысында білім беру ұйымы бойынша төмендегі құжаттарға мониторинг жүргізіліп, тексерілдіі

-жалпыға міндетті білім беру стандарттары талаптарының орындалуы;

-мектепке дейінгі ұйымдардың соңғы 5 жылда атқарған жұмыстары;
-педагогикалық кадрлардың әлеуеті;

-қолжетімді білім беру мен тәрбиеленушілердің қауіпсіздігін қамтамасыз ету бойынша қабылданған шаралар;
-білім беру ұйымдарының материалдық- техникалық базасы зерделеніп, тексерілді.

Сонымен қатар, жұмыс барысында тәрбиеленушілердің ата -аналарынан сауалнамалар алынды.

-Жалпы, білім беру ұйымдарын мемлекеттік аттестаттау - бұл оқыту мен тәрбие сапасын, әкімшілік пен мұғалімдердің жұмысын тереңірек және мақсатты зерттеуге бағытталған.
-Аттестаттау нәтижесі бойынша білім беру ұйымдарына бұзушылықты жою және көрсеткіштерді жақсарту бойынша әдістемелік ұсыныстар берілді.

Ақпан 6, 2022

ӨНДІРІСТІК ТӘЖІРИБЕДЕН ӨТУШІ МАГИСТРАНТТАРМЕН КЕЗДЕСУ

Қазақстан Республикасы Президенті жанындағы Мемлекеттік басқару академиясы Басқару институтының магистранттары Ж. Шалабаева және
А. Жұмағазиева ағымдағы жылғы 24 қаңтар мен 5 ақпан аралығында Департаментте өндірістік тәжірибеден өтуде.
  
Осыған орай, 3 ақпанда магистранттармен және олардың жетекшілері Б. Таишевпен, Ғ. Турекешовпен кездестім.
Кездесу барысында білім саласындағы өзекті мәселелер талқыланды, оның ішінде магистрант Ж. Шалабаева мектепке дейінгі білім беру ұйымдарындағы өзекті мәселелер туралы өз ойымен бөлісіп, пікір білдірсе, келесі магистрант А. Жұмағазиева орта білім беру ұйымдарындағы өзекті мәселелерді саралады.

Ақпан 6, 2022

⚜️ ҚР БІЛІМ ЖӘНЕ ҒЫЛЫМ МИНИСТРІ А. Қ. АЙМАҒАМБЕТОВТІҢ АЛМАТЫ ҚАЛАСЫНА ЖҰМЫС САПАРЫ ТУРАЛЫ ЖАЗБАСЫ

Алматы қаласына жұмыс сапарымен бардым. Білім және ғылым нысандарын аралап, кездесулер өткіздім. Барлық білім беру ұйымдары тұрақты және штаттық режимде жұмыс істейді. Мен барған № 206 мектеп-гимназия 2021 жылдың желтоқсанында пайдалануға берілді. Бұл Мемлекет басшысының тапсырмасы бойынша 2025 жылға дейін 1000 мектептің құрылысы аясында салынған нысандардың бірі. Жанындағы мектепте қабылдау қорытындысы бойынша 1 сынып оқушылары көп болды, «Ю» сыныбына дейін. 1800 оқушыға арналған тағы бір мектептің пайда болуы оқушы орындарының тапшылығын шешуге көмектесті Әріптес-педагогтермен әңгімелестім. Сапалы педагогикалық құрамы қуантты. Тален Салтанат-химия мұғалімі, педагог - зерттеуші, Балыбекова Рабиға Жұманазарқызы - биология мұғалімі, педогог - зерттеуші, Ниязбекова Ақмарал Қалтайқызы - физика мұғалімі, педагог-шебер. Әріптестермен осы пәндер бойынша оқу бағдарламаларының мазмұнын және оқу процесін жақсарту идеяларын талқыладық.  Сонымен қатар, 315 орынға шақталған #186бөбекжайының жұмысымен таныстым. Бұрын бұл нысан жалға берілген еді. Қазір ғимарат жөнделіп, жаңа балабақша ашылды.
Қаныш Сәтбаев атындағы Қазақ Ұлттық техникалық зерттеу университетіне бардым. Жөндеу жұмыстарымен танысып, жатақханаларға барып келдім. Университет тарапынан ғылыми жобалар таныстырылды. Әріптестерім айтқан барлық сұрақтар мен ұсыныстарды мұқият тыңдап, жатақханада қалған студенттермен әңгімелестім. Сонымен бірге, сапар барысында қала мектептерінің директорларымен кездесу өткіздім. Мектеп басшыларының ұсыныстарын тыңдап, қызықтырған сұрақтарға жауап беруге тырыстым. Біз «Алматы мектептері» жобасын іске асыру барысын талқылап, жан басына қаржыландыру тетігінің тиімділігін арттыру, сынып жетекшілерінің институтын күшейту мәселелерін талқыладық және ата-аналармен өзара іс-қимылды нығайтуға бағытталған жобалар туралы сөз қозғадық.
Әріптестер қойылған барлық міндеттерді тиімді іске асырудың маңыздылығын түсінетіндеріне және қолдайтындарына көзім жетті.